1. Bu günlərdə kitablarını oxuduğum islam alimi. islam alimi deyəndə Xomeyni kimi yox, Oksfordda doktorluq dərəcəsi alacaq qədər, Çikaqo universitetində dərs deyəcək qədər ciddi akademikdir həm də.
Gətirdiyi metodoloji yenilik isə quranı necə şərh edəcəyimiz ilə bağlıdır. "Double Movement" adlandırdığı bu metoda görə, Quranda yazılan hər şey bütün zamanlar üçün qəbul edilməli olan prinsiplər deyil. Ayələrin bir çoxu konkret hadisəyə görə nazil olub. Müasir dünyada qarşılaşdığımız problemlərə çıxış yolunu tapmaq üçün geriyə doğru getməli, quranda tapdığımız ayələrin hansı tarixi, sosial kontekstdə gəldiyini araşdırmalı, onun arxasındakı məntiqi başa düşməli, həmin məntiqin işığında bu günki problemlərimizə çarə tapmalıyıq. Yəni, quranda olan hər şeyi, bir növ, yenidən şərh etməliyik.